Nyu-York aglomeratsiyasida (Nyu-York, Nyu-Jersi va Konnektikut shtatlarini birlashtiruvchi mintaqa) Zika virusiga chalingan ilk chaqaloq tug‘ildi. Bu haqda 31-may, seshanba kuni Fox News telekompaniyasi ma’lum qildi, deya xabar beradi “TASS”.
Qizaloq Nyu-Jersi shtatidagi tibbiy markazlardan birida rivojlanmagan miya hajmi bilan dunyoga keldi, bu esa virus oqibati bo‘lishi mumkin. Shifokorlar bolada infeksiyaning eng xavfli asorati bo‘lgan mikrotsefaliyani tasdiqladi. Unda boshqa tug‘ma kasalliklar ham qayd etilgan.
Dastlabki ma’lumotlarga ko‘ra, qizaloqning 31 yoshli onasi homiladorlik chog‘ida Gondurasda bo‘lganida virusni yuqtirib olgan. AQShga kelguncha unda ikki—uch kunda o‘tib ketgan teridagi toshmalardan tashqari kasallik alomatlari kuzatilmagan.
Hozirda AQShda Zika bezgagiga chalinish bilan bog‘liq 591 holat tasdiqlangan. Barcha bemorlar boshqa mamlakatlarga sayohati davomida virusni yuqtirib olgan.
Izoh (0)