IShID terrorchilik guruhi jangarilari Iroqning katta qismi haligacha ekstremistlar nazorati ostida bo‘lgan Al-Falluja shahrida yuz nafar yosh yigitni qo‘lga oldi va kuch bilan saqlab turibdi. Bu haqda “As-Sumariya” telekanaliga tayanib, “TASS” xabar berdi.
Shahar oqsoqollaridan biri shayx Majid al-Jarisiy ma’lum qilishicha, IShID ekstremistlari 30-may kuni ertalabdan shahar markazi va g‘arbidagi ikkita bozorni qurshab olgan va yuzga yaqin yosh yigitlarni hibsga olgan. Qo‘lga olinganlarning barchasini radikallar “soqol o‘stirmaganlikda” ayblagan.
Al-Falluja oqsoqoli ta’kidlashicha, jangarilar mahbuslarni bir nechta mashinada noma’lum tomonga olib ketgan.
Al-fallujalik yuzlab yigitlarning keyingi taqdiri noma’lum bo‘lib qolmoqda.
Eslatib o‘tamiz, avvalroq Iroq qurolli kuchlari IShID tomonidan 2014-yilda bosib olingan Al-Falluja shahriga kirgani xabar berilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)