Pxenyan Janubiy Koreya harbiy katerlari Sariq dengizning KXDR nazoratidagi hududiga kirib borganligini “fitna” deb baholadi. Koreya xalq armiyasi bosh qo‘mondonligi shunday bayonot berdi, deya xabar beradi “TASS”
Qo‘mondonlik ma’lumotlariga ko‘ra, Koreya Respublikasining uch tezyurar kateri, ogohlantirishga qaramay, 27-may, juma kuni mazkur hududga bostirib kirib, KXDRga tegishli shikastlangan kemani kuzatib borayotgan paromni o‘qqa tutgan. Yuzaga kelgan vaziyat tufayli Shimoliy Koreya armiya bo‘linmalari hujum va javob zarbalari berishga buyruqni kutmoqda.
Seul esa Janubiy Koreya KXDR baliqchilik kemasi va unga hamrohlik qilgan patrul kateri Sariq dengizdagi Janub va Shimol o‘rtasida dengiz chegarasi bo‘lib xizmat qiluvchi Shimoliy ajratish chizig‘ini kesib o‘tganidan so‘ng ogohlantiruvchi o‘t ochilganini ta’kidlamoqda. Shundan so‘ng chegara buzuvchilar KXDRning suvdagi hududiga qaytib ketgan.
Izoh (0)