“Barselona” hujumchisi Luis Suares “Sevilya”ga qarshi Ispaniya Kubogi final o‘yinida jarohat olib, maydonni tark etishga majbur bo‘ldi. Uning Urugvay terma jamoasi safida Amerika Kubogi–2016 turniridagi ishtiroki shubha ostida turibdi, deb xabar bermoqda CBC Sports.
Mazkur uchrashuvdan so‘ng Luis Suares jarohati og‘ir emasligiga umid qilayotganini bildirdi.
“Tibbiy ko‘rikdan o‘tishni kutib turibman. Jarohatim og‘ir emasligiga va kelasi hafta Urugvay termasi safiga qo‘shilishga umid qilaman. Barchaga dalda uchun minnatdorman”, – deb yozdi Suares Twitter’dagi sahifasida.
Joriy mavsumda Luis Suares kataloniyaliklarning barcha turnirlarida 59 ta, shulardan 40 tasini Ispaniya chempionatida kiritishga muvaffaq bo‘ldi.Ma’lumot uchun, Amerika Kubogi–2016 turniri 3–26-iyun kunlari AQShda bo‘lib o‘tadi. Urugvay termasi guruhdagi ilk uchrashuvini 5-iyun kuni Meksika termasiga qarshi o‘tkazadi.
Izoh (0)