Angliyaning “Arsenal” futbol klubi hamda Germaniya terma jamoasi yarim himoyachisi Mesut O‘zil Umra ziyoratini amalga oshirish uchun Makkaga tashrif buyurdi. 27 yoshli futbolchi ziyorat vaqtida tushgan suratini Facebook’dagi sahifasiga joylashtirdi.
2015/16-yilgi mavsum yakunlariga ko‘ra, Mesut O‘zil Angliya chempionatida eng ko‘p golli uzatma bergan futbolchi bo‘ldi. Angliya chempionatining 35 o‘yinida maydonga tushgan germaniyalik futbolchi 19 ta golli uzatmasiga 6 ta gol ham qo‘shib qo‘ydi.
“Arsenal” klubi rasmiy saytida ma’lum qilinishicha, Mesut O‘zil jamoa muxlislari talqiniga ko‘ra “Arsenal”ning 2015/16-yilgi mavsumdagi eng yaxshi futbolchisi deb topildi.
Izoh (0)