Argentinaning Entre-Rios provinsiyasi hududiy ligasining “San Xorxe de Vilya Elisa” jamoasi a’zosi Mikael Favre “Defensores de Kolon” klubiga qarshi o‘yinda olgan jarohati tufayli vafot etdi. Bu haqda Todo Noticias xabar bermoqda.
O‘yin vaqtida 24 yoshli Favre raqib futbolchisi tizzasidan zarba qabul qilib oldi. Buning natijasida maydonda janjal kelib chiqdi. “Defensores de Kolon” jamoasining boshqa bir futbolchisi Favrening yuziga mushti bilan zarba yo‘lladi. Hushini yo‘qotgan argentinalik futbolchi shifoxonaga yetkazildi. Shifokorlar uning jonini saqlab qola olmadi.
Uchrashuv yakunlangach, Favreni urgan ikki nafar futbolchi hibsga olindi. Futbolchining o‘limiga sabab bo‘lgan ikki zarbadan birini aniqlaydigan ekspertiza tez orada o‘tkaziladi.
Izoh (0)