“Barselona” hujumchisi Luis Suares jamoadoshi Neymar haqida fikr bildirib, uning kataloniyaliklar yetakchisi Lionel Messidan saboq olishini ta’kidladi, deb xabar bermoqda “Chempionat”.
“Lionel Messi dunyoning eng yaxshi futbolchisi ekanini tan olamiz va undan o‘rganamiz. Neymar dunyoning eng yaxshi futbolchisi bo‘lish uchun Messidan saboq olmoqda. Buning uchun unda mahorat yetarli. Futbol va hayotdan zavq olish juda yaxshi. Uchalamiz bir-birimizga hasad qilmaymiz. Messi va Neymar gol ursa, ular va jamoa uchun xursand bo‘laman. Ular haqida ham shunday deyish mumkin”, — dedi Suares Neymarning saytiga bergan intervyusida.
Qayd etish joiz, Luis Suares joriy mavsumda La Liganing 35 o‘yinida 40 ta gol kiritib, eng yaxshi to‘purar bo‘ldi va “Barselona”ning chempionligiga katta hissa qo‘shdi.
Izoh (0)