Parijda 12-may kuni Milliy majlis (Fransiya parlamenti quyi palatasi) binosi oldida hukumatga ishonchsizlik votumi masalasi deputatlar tomonidan ko‘rib chiqilishi oldidan ommaviy tartibsizliklar boshlandi. Bu haqda “TASS” xabar berdi.
Politsiya xodimlariga qarata toshlar, shisha idishlar uloqtirilgan bo‘lsa, o‘z navbatida, tartib qo‘riqchilari tajovuzkor kayfiyatdagi namoyish ishtirokchilariga nisbatan ko‘zni yoshlantiruvchi gaz qo‘lladi. Kamida ikki kishi hibsga olindi.
To‘qnashuv namoyishning oxirgi nuqtasida yuz berdi. Bir necha o‘n minglab kishi Parijda to‘planib hukumat iste’fosini talab qildi. Ular, shuningdek, butun Fransiya bo‘ylab noroziliklarga sabab bo‘lgan Mehnat kodeksining munozarali islohotini qaytarib olishni talab qildi.
Izoh (0)