Yaman janubidagi mamlakat qurolli kuchlari bazasida 12-may, payshanba kuni uchta portlash ro‘y berdi. Bu haqda “TASS” xabar bermoqda.
Sky News Arabia telekanali ma’lumotlariga ko‘ra, teraktlar oqibatida 13 kishi halok bo‘lgan, o‘nlab kishilar jarohat olgan. Noma’lum kimsalar Xadramaut viloyati ma’muriy markazi Al-Muqalla shahri sharqida joylashgan harbiy obyektda uchta minalashtirilgan avtomobilni portlatib yuborgan. Shuningdek, yamanlik harbiylar va bazaga hujum qilgan qurolli shaxslar o‘rtasida otishma ro‘y bergani bildirilmoqda.
Qurbonlar soni va mazkur teraktlar uchun javobgarlar haqida rasman ma’lumot berilmagan.
Izoh (0)