Tunis xavfsizlik kuchlari mamlakatda turkum teraktlar tashkil etish harakatining oldini oldi. Bu haqda respublika IIV ma’lum qildi, deya xabar beradi “TASS”.
“11-may, chorshanba kuni poytaxt shimolidagi Ettadamun tumanida mamlakatning turli mintaqalaridan kelgan bir guruh terrorchilarni qo‘lga olishga muvaffaq bo‘lindi. Jinoyatchilar Tunis hududida teraktlar uyushtirishni rejalashtirgan. Ulardan Kalashnikov avtomatlari, granata va to‘pponchalar topilgan”, — deya ta’kidlangan IIV xabarida.
Shuningdek, Mnixla mintaqasi, Aryana viloyatida mamlakat milliy gvardiyasi bo‘linmalari tomonidan o‘tkazilgan maxsus operatsiya davomida ikki qurollangan terrorchi yo‘q qilingan va 16 nafari hibsga olingan.
Izoh (0)