APL. “Nyukasl” va “Norvich” klublari Premyer-liga bilan xayrlashdi

Futbol bo‘yicha Angliya Premyer-ligasining 37-turi yakunlariga ko‘ra, “Nyukasl” hamda “Norvich” klublari Chempionship ligaga ravona bo‘ldi. “Sanderlend” 30-turning qoldirilgan uchrashuvida “Everton”ni mag‘lub etib, APLda jon saqlab qoldi.

• APL, 34-tur. “Aston Villa” 29 yildan keyin birinchi bor Premyer-liga bilan xayrlashdi

38-turda qanday hisoblar qayd etilishidan tashqari, Premyer-ligani tark etadigan barcha klub nomi aniq bo‘ldi. “Aston Villa”, “Norvich” va “Nyukasl” nabvatdagi mavsumni Angliya quyi ligasida o‘tkazadi. Qoldirilgan o‘yinlarning yana birida “Uotford”ni mag‘lub etganiga qaramay, “Norvich” o‘z muxlislari ko‘z o‘ngida elita bilan xayrlashdi.

11-may kunining markaziy o‘yinida “Liverpul” o‘z maydonida “Chelsi” bilan durang o‘ynadi. Uchrashuvning 32-daqiqasida Eden Azar mehmonlarni hisobda oldinga olib chiqqan bo‘lsa, hakam tomonidan konpensatsiya uchun qo‘shib berilgan daqiqada Kristian Benteke Yurgen Klopp jamoasini mag‘lubiyatdan qutqarib qoldi.

37 ta o‘yinda 59 ochko jamg‘argan “Liverpul” 8-o‘rinni egallab turgan bo‘lsa, 49 ochkosi bor “Chelsi” 9-pog‘onadan joy olgan.

• “Manchester Yunayted” raqibi “Manchester Siti”dan o‘zib ketish imkoniyatini qo‘ldan boy berdi

Angliya Premer-ligasi 30-turning qoldirilgan o‘yinlari 11-may, chorshanba

“Sanderlend” — “Everton” 3:0

Gollar: Patrik van Anxolt, 38 (1:0). Lamin Kone, 42 (2:0). Lamin Kone, 55 (3:0).

“Liverpul” — “Chelsi” 1:1

Gollar: Eden Azar, 32 (0:1). Kristian Benteke, 90+2 (1:1).

35-turning qoldirilgan o‘yini

“Norvich” — “Uotford” 4:2

Gollar: Troy Dini, 11 (0:1). Neytan Redmond, 15 (1:1). Dyomersi Mbokani, 18 (2:1). Kreyg Ketkart, 37-avt (3:1). Odion Igalo, 51 (3:2). Dyomersi Mbokani, 57 (4:2).

• “Vest Hem” muxlislari “Manchester Yunayted” klubi avtobusiga hujum uyushtirdi (foto + video)