Dortmundning “Borussiya” klubi himoyachisi Mats Xummels kelasi mavsumdan boshlab “Bavariya” sharafini himoya qiladi. Myunxenliklar germaniyalik futbolchi bilan 2021-yilga qadar mo‘ljallangan shartnoma tuzdi. Bu haqda klubning Twitter’dagi rasmiy sahifasida ma’lum qilindi.
“Bavariya” rasmiy saytining ma’lum qilishicha, tomonlar transfer narxini e’lon qilmaslikka kelishib olgan.
“Mats dunyodagi eng yaxshi markaziy himoyachilardan biri. U jamoamizning o‘yin sifatini yanada oshiradi”, – dedi myunxenliklar prezidenti Karl-Xayns Rummenigge.
Avvalroq “Bavariya” 35 million yevro evaziga “Benfika” yarim himoyachisi Renatu Sancheshni xarid qilgani haqida xabar berilgan edi.
Izoh (0)