1-may kuni aktyor Yigitali Mamajonov hamda xonanda Rayhon egizak farzandlari Imron va Islomning tavallud ayyomlarini nishonladi. Bu haqda “Darakchi.uz” xabar beradi.

Mazkur sana munosabati bilan aktyor farzandlariga o‘zining Instagram’dagi sahifasi orqali dil izhorini yubordi:

“Tug‘ilgan kun muborak bo‘lsin o‘g‘illarim, meni polvonlarim! Albatta, hozir bu tabriklarimizni tushunish senlarga vaqtli, lekin Inshaalloh katta bo‘lib o‘qiysanlar... Ilohim tanu-jonlaring sog‘ bo‘lsin hamisha, katta yigit bo‘lib ota-onam deydigan, iymonli e’tiqodli, qalbi pokiza, ibratli, halol inson bo‘linglar. Alloh o‘zi panohida asrasin sizlarni”.

Ma’lumot uchun, Yigitali Mamajonov 2012-yil noyabrida xonanda Rayhon bilan turmush qurgan edi, 2014-yil mayida ular egizak o‘gil farzandli bo‘ldi. 2015-yil yanvarida esa Rayhon ajrashishga ariza bergani ma’lum bo‘lgandi.