Turkiyaning Diyorbakir viloyati, Dijle shahridagi jandarmeriya boshqarmasi binosi oldida minalashtirilgan avtomobil portlashi oqibatida harbiy xizmatchi halok bo‘ldi, 23 kishi jarohatlandi. Hujum Kurdiston ishchi partiyasi tomonidan uyushtirilgani bildirilmoqda. Bu haqda “RIA Novosti” xabar berdi.
“Dijledagi jandermeriya binosi yaqinida, harbiy xizmatchilar yotoqxonasida 1-may, yakshanba kuni kechki payt KIP a’zolari tomonidan minalashtirilgan avtomobil portlatildi. Oqibatda bir jangovar safdoshimiz halok bo‘ldi va 20 kishi yaralandi. Shuningdek, ularning oila a’zolaridan uch nafari ham jarohat oldi”, — deyiladi Turkiya Bosh shtabi xabarida.
Izoh (0)