Rossiya va Zimbabve G‘arb mamlakatlari tomonidan ularga nisbatan qo‘llanilgan sanksiyalarni qoralaydi va ular to‘liq bekor qilinishini yoqlab chiqadi. Bu haqda Rossiya-Zimbabve hukumatlararo komissiyasi raisdoshi, Rossiya sanoat va savdo vaziri Denis Manturov va Zimbabve tashqi ishlar vaziri Simbarashe Mumbengegviga tayanib, “Vedomosti” xabar bermoqda.
“Hozir mamlakatlarimizning ikkalasi ham AQSh va Yevroittifoq sanksiyalari ostida, — dedi Mumbengegvi. — Biz adolatsiz sanksiyalar to‘liq bekor qilinishi tarafdorimiz”.
Zimbabve tashqi ishlar vaziri Rossiyaga 2008-yilda uni qo‘llab-quvvatlagani uchun minnatdorlik bildirdi. O‘shanda Rossiya va Xitoy BMT Xavfsizlik Kengashida Zimbabve bilan qurol-yarog‘ savdosiga embargo qo‘yilishi, Zimbabve prezidenti va mamlakatning bosh amaldorlari xorijga chiqishini taqiqlash, shuningdek, ularning chet el banklaridagi hisoblarini muzlatib qo‘yishni nazarda tutuvchi rezolyutsiyaga veto qo‘ygan edi.
Izoh (0)