OAV: KXDR mamlakatning o‘g‘irlangan fuqarolari oila a’zolarini Seulga yuboradi

KXDR Janubiy Koreya maxsus xizmatlari agentlari tomonidan Xitoyda o‘g‘irlab ketilgan fuqarolarining oila a’zolarini Seulga yuborishni rejalashtirmoqda. Bu haqda “TASS” xabar beradi.

Pxenyanning ma’lum qilishicha, KXDRning 13 nafar fuqarosi Xitoyning Chjetszyan provinsiyasida o‘g‘irlab ketilgan. Ular o‘z xohishiga qarshi Janubiy Koreyaga yuborilgan va u yerda qo‘riqlov ostida saqlanmoqda.

KXDR Qizil Xoch Jamiyati raisi Li Chun Bokning ma’lum qilishicha, Janubiy Koreya hukumati ularni qochoqlar safiga kiritib, vataniga qaytarishni rad qilmoqda. Bunday sharoitda Jamiyat o‘g‘irlanganlarning oila a’zolarini ular bilan uchrashish uchun Pxanmunchjom nazorat-o‘tkazish punkti orqali Seulga yuborish rejasi haqida ma’lum qilgan.