Yaponiyaning Kyusyu orolida hafta davomida 750 dan ortiq takroriy zilzila yuz berdi

Yaponiyalik mutaxassislar Kyusyu orolida bir hafta avval sodir bo‘lgan kuchli zilziladan so‘ng, 750 dan ortiq takroriy yer silkinishini qayd etdi. Bu haqda “RIA Novosti” xabar beradi.

“Kiodo” agentligining ma’lum qilishicha, takroriy zilzilalardan ikkitasi yetti ballik yapon shkalasi bo‘yicha 7 ball, beshtasi 6 ball, o‘ntasi 5 ball va 74 tasi 4 ballni tashkil etgan.

Hozirgi paytga kelib yer silkinishi oqibatida 48 kishining halok bo‘lganligi ma’lum qilingan. Yana 11 kishi Kumamoto prefekturasidagi evakuatsiya hududida takroriy zilzilalar davomida qurbon bo‘lgan. Ikki mingdan ortiq odam jabrlangan, uch kishi bedarak yo‘qolgan deb qayd etilgan.

Eslatib o‘tamiz, zilzila yuz bergan Kyusyu oroli hududida evakuatsiya qilinganlar soni 117 ming kishiga yetganligi haqida xabar qilingan edi.