Rossiya Janubiy Osetiyada yashovchilarning mamlakat tarkibiga kirish yuzasidan referendum o‘tkazish istagiga qarshilik qilolmaydi. Bu haqda Vladimir Putin o‘zining an’anaviy to‘g‘ridan-to‘g‘ri muloqoti chog‘ida bildirib o‘tdi, deya xabar beradi “RIA Novosti”.

“Janubiy Osetiya rahbari bilan bu mavzuni batafsil muhokama qilmadik. U xalq shunday referendum o‘tkazilishini istayotganligini bildirdi. Biz bunga qarshilik qilolmaymiz, deb o‘ylayman. Bizni Janubiy Osetiya xalqi manfaatlaridan bo‘lak hech narsa ushlab turmaydi. Biroq mazkur referendum qanday asosga qurilishi, undagi savollar qay tarzda shakllantirilishini hozircha bilmaymiz. Shundan kelib chiqib bu haqda bosh qotiramiz”, — deya ta’kidlagan Putin.