O‘zbekistonlik tennischilar Humoyun Sultonov va Temur Ismoilov Buxoro shahrida davom etayotgan, mukofot jamg‘armasi 25 ming dollarga teng Bukhara International tennis turnirining yarim finaliga chiqdi, deb xabar beradi “Sports.uz”.
17 yoshli Sultonov chorak finalda rossiyalik Yevgeniy Elistarovga qarshi kortga chiqib, 7:6, 6:4 hisobida zafar quchdi. 21 yoshli Temur Ismoilov esa boshqa bir rossiyalik tennischi – Mixail Ledovskixni 6:1, 6:4 hisobida mag‘lubiyatga uchratdi.
Qayd etish joiz, musobaqa yarim finalida Humoyun Sultonov va Temur Ismoilov o‘zaro bahs olib boradi.
Shuningdek, o‘zbekistonlik Sharobiddin Abzalov bilan tandem hosil qilgan Humoyun Sultonov juftliklar bahsi yarim finaliga qadar yetib kelgandi. Final yo‘llanmasi uchun kechgan bellashuvda Sultonov/Abzalov juftligi rossiyalik Yevgeniy Elistarov va Vitaliy Kozyukov duetiga 2:6, 2:6 hisobida mag‘lub bo‘ldi.
Izoh (0)