Futbol bo‘yicha Germaniya Bundesligasida 28-tur bellashuvlari start oldi. Turning birinchi uchrashuvida “Bayer” yirik g‘alabaga erishib, turnir jadvalida 4-o‘ringa ko‘tarilib oldi.

“Bayer” Yevropa Ligasidagi yurishiga yakun yasagan bo‘lsa, “Volfsburg” Yevropa Chempionlar Ligasining chorak finaliga yo‘l olgan. 6-aprel kuni Madridning “Real” klubiga qarshi kurash olib boradigan “Volfsburg” bu mag‘lubiyatidan keyin 38 ochko bilan Bundesligada 8-o‘rinni egallab turibdi.

Meksikalik futbolchi Xavyer Ernandez mazkur turda 15-golini urib, to‘purarlar poygasida Robert Levandovski (25), Pyer-Emerik Obameyang (22) va Tomas Myuller (19) dan keyin 4-o‘ringa joylashgan.

Liga yetakchisi “Bavariya” o‘z maydonida kichik hisobda g‘alaba qozondi. “Shalke” esa yirik hisobda imkoniyatni boy berib, 4-o‘ringa ko‘tarilib olish imkoniyatini yo‘qqa chiqardi.

2-aprel sanasidan yana bitta o‘yin joy olgan bo‘lib, Toshkent vaqti bilan 21:30 da “Borussiya Dortmund” — “Verder” uchrashuvi start oladi.

Germaniya Bundesligasi 28-tur uchrashuvlari 2-aprel, shanba

“Bayer” — “Volfsburg” 3:0 (1:0)

Gollar: Yulian Brandt, 27 (1:0). Xavyer Ernandes, 73 (2:0). Vladlen Yurchenko, 87 (3:0).

“Bavariya” — “Ayntraxt” 1:0 (1:0)

Gol: Frank Riberi, 20 (1:0).“Bavariya”: Manuel Noyer, Xuan Bernat, David Alaba, Xavi Martines, Filipp Lam, Xabi Alonso, Frank Riberi, Tyago Alkantara, Mario Gyotse (Arturo Vidal, 85), Tomas Myuller, Robert Levandovski (Duglas Kosta, 71).

“Gannover” — “Gamburg” 0:3 (0:0)

Gollar: Kleber, 61 (0:1). Ivo Ilichevich, 73 (0:2). Nikolay Myuller, 75 (0:3).

“Darmshtadt” — “Shtutgart” 2:2 (1:2)

Gollar: Sandro Vagner, 26 (1:0). Lukas Rupp, 44 (1:1). Kristian Gentner, 45+1 (1:2). Peter Nimayer, 51 (2:2).

“Ingolshtadt” — “Shalke” 3:0 (2:0)

Gollar: Morits Xartmann, 29-pen (1:0). Lukas Xinterzeyer, 45+1 (2:0). Dario Leskano, 65 (3:0).

“Maynts” — “Augsburg” 4:2 (2:2)

Gollar: Kayubi, 9 (0:1). Kristian Klemens, 13 (1:1). Pablo de Blazis, 24 (2:1). Ku Ja Chol, 40 (2:2). Pablo de Blazis, 53 (3:2). Kristian Klemens, 76 (4:2).