Misr armiyasi Sinay yarim orolida IShIDning mahalliy bo‘linmasiga aloqador bo‘lgan 65 jangarini yo‘q qildi. Terrorchilar armiya va politsiyaning G‘azo sektori chegarasidagi Shayx-Zuvayd va Rafax shaharlari atrofidagi hamkorlikdagi reydlari chog‘ida o‘ldirilgan, deb xabar beradi “TASS”.
Shuningdek, qurol-yarog‘, o‘q-dori va yoqilg‘i saqlab kelingan omborxonalar yo‘q qilingan.
Operatsiyalarda harbiy aviatsiyadan foydalanilgani aytilmoqda.
19-mart kuni IShIDning yarim oroldagi blokpostga uyushtirgan hujumi oqibatida 15 politsiyachi halok bo‘lgandi. Bunga javoban Misr xavfsizlik kuchlari keng miqyosli operatsiya o‘tkazib, bir hafta mobaynida 250 jangarini yo‘q qildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.