Xitoydagi konda yuz bergan avariyada 19 nafar konchi halok bo‘ldi

Xitoydagi konda yuz bergan avariyada kamida 19 nafar konchi halok bo‘ldi. Bu haqda “Sinxua” agentligi ma’lumotiga tayanib, “RBK” xabar beradi.

Hodisa Xitoy shimolidagi Shansi provinsiyasida yuz bergan. Manbalarda ma’lum qilinishicha, avariya yuz bergan paytda konda 129 kishi bo‘lgan.

Kon Shanxi Datong Coal Mine Group kompaniyasiga tegishli bo‘lgan.

Xitoy tog‘-kon sanoati dunyodagi eng xavfli sanoat yo‘nalishlaridan biri hisoblanadi.