20-mart, yakshanba kuni Sulavesi orolida Indoneziya harbiy-havo kuchlari vertolyoti halokatga uchradi, deya xabar bermoqda “TASS”. Oqibatda 13 kishi nobud bo‘ldi.
Mamlakat HHK qo‘mondonligi vakili so‘zlariga ko‘ra, vertolyot qulashiga noqulay ob-havo sharoiti sabab bo‘lgan. U o‘zi qo‘nmoqchi bo‘lgan Poso shahridagi aeroportga yetishiga o‘n daqiqa qolganida halokatga uchragan.
Ayni paytda 13 nafar qurbonning shaxsini aniqlash ishlari yakunlanmoqda. Bortda Markaziy Sulavesi provinsiyasi harbiy qo‘mondonligi vakillari, mahalliy razvedka boshqarmasi xodimlari, shuningdek, yuqori lavozimli politsiyachilar bo‘lgan. Ular provinsiyaning ushbu hududida bo‘lib o‘tayotgan yirik ko‘lamli aksilterrorchilik operatsiyasida qatnashayotgan bo‘lgan.
Izoh (0)