Xitoylik fermer o‘z yeridan 459 kilogramm qadimiy tanga topdi. Ekspertlar ularning milodiy I asr, imperator Van Man hukmronligi davrida (9—23-yillar) zarb etilganini taxmin qilmoqda. Bu haqda The South China Morning Post xabar berdi.
Familiyasi Chjan ekanligi aytilayotgan erkak osori-atiqalarni Shensi viloyatining Sinpin shahri yaqinida yangi uy uchun maydon tayyorlayotganida, chuqurligi 50, eni esa 60 santimetr bo‘lgan chuqurlikdan topgan. Fermer uning oilasi 1980-yilda ham shunga o‘xshash 80 kilogramm tanga topgani va ularni oddiy mis bahosida sotib yuborganini tan oldi.
Nashr ma’lumotiga ko‘ra, topilmalarning tarixiy qimmati aniqlangandan so‘ng davlat muzeylariga topshiriladi.
Izoh (0)