Shohrux reper katta sahnaga qaytish va konsert berish rejalarini e’lon qildi

Shohrux reper yaqin vaqt ichida katta sahnaga qaytmoqchi. Bu haqda “Sug‘diyona” gazetasi xabar berdi.

“Ayni kunlarda xayolimni qamrab olgan rejalardan biri — katta sahnaga qaytish. Prodyuserlik qilaman, ko‘maklashaman degan takliflar bor. Bir oy ichida shu takliflardan eng yaxshisini ko‘rib chiqib, katta sahnaga qaytmoqchiman”, — dedi reper.

“Aytib o‘tganimdek, bugun takliflar ko‘p. Yana ikki-uch yil bu sohada ishlasam bo‘ladi. Ijodni yangidan boshlasam, shou-biznesga qaytsam, albatta, konsert dasturi ham bo‘ladi”, — dedi Shohrux.

Avvalroq, ma’lum muddat davom etgan tanaffusdan so‘ng, Shohrux reper xonanda Shahzoda bilan duet kuylagani haqida xabar berilgan edi.