26-fevral, juma kuni Shveysariyaning Syurix shahrida FIFAning yangi rahbarini tayinlash uchun saylov bo‘lib o‘tdi. Unda UEFA bosh kotibi lavozimida faoliyat olib borgan Janni Infantino g‘olib bo‘ldi. Osiyo futbol konfederatsiyasi rahbari Shayx Salmon bin Ibrohim al-Xalifa shu munosabat bilan Janni Infantinoni tabrikladi. Bu haqda OFK matbuot xizmati xabar bermoqda.
“OFK tashkiloti yangilangan FIFA va uning yangi prezidenti Janni Infantino bilan hamkorlik qilishga hamda futbol rivoji uchun o‘z hissasini qo‘shishga tayyor. Dunyo futbolini isloh qilish va unga bo‘lgan ishonchni qaytarish lozim. Hozirgi vaqtda futbolga birdamlik kerak. Infantinoning yetakchilik xususiyatlari yordamida FIFAda islohotlar o‘tkazilishiga ishonaman”, — deydi Shayx Salmon.
Eslatib o‘tamiz, Janni Infantino saylovning ikkinchi turida 115 ta ovoz to‘plab, g‘oliblikni qo‘lga kiritdi va 4 yilga FIFA prezidenti etib saylandi.
Izoh (0)