“Arsenal” jamoasi bosh murabbiyi Arsen Venger “Barselona”ga qarshi Yevropa Chempionlar Ligasi 1/8 finalidan so‘ng o‘yin borasida o‘z fikrlarini aytib o‘tdi, deb xabar beradi “Chempionat”.
“Raqibga tezkor qarshi hujum uyushtirishga imkon berish kerak emasligini bilardik, ammo, biz bunga yo‘l qo‘yib berdik. Tezkor hujumda ular uzatma berishda deyarli xatoga yo‘l qo‘ymaydi. “Barselona” bizdan kuchli va buning uyaladigan joyi yo‘q. Jamoa bejizga YeChL turnirining amaldagi g‘olibi emas”, — deydi Arsen Venger.
Eslatib o‘tamiz, “Arsenal” maydoniga safar qilgan turnirning amaldagi g‘olibi “Barselona” Lionel Messining dubli evaziga ishonchli g‘alabani qo‘lga kiritdi.
Jamoalar o‘rtasidagi javob o‘yini “Kamp Nou” stadionida, 16-martdan 17-martga o‘tar kechasi bo‘lib o‘tadi.
Izoh (0)