22-fevralning e’tiborga molik yangiliklari — “Daryo”ning kechki dayjestida.
1. Toshkent shahri va viloyatida vaqtinchalik propiska ochilgani ma’lum qilindi. 2015-yilning 25-oktabr kunidan buyon fuqarolarni turgan joyi bo‘yicha vaqtincha ro‘yxatga olish bir muddatga to‘xtatilgan edi.
2. Fevral oxirigacha Buxoro va Surxondaryoda havo harorati +28 darajagacha ko‘tariladi. O‘zbekistonda 23—27-fevral kunlari havo o‘zgarib turadi, yog‘ingarchilik kutilmaydi.
3. O‘zbekistonda kinematografiya to‘g‘risida qonun qabul qilinadi. Ayni paytda O‘zbekistonda kinematografiya sohasidagi davlat siyosati bir qator qonun osti hujjatlari orqali tartibga solinadi, ular muammolarning tor doirasini o‘z ichiga oladi.
4. O‘zbekistonda bolalar ovqatida genetik modifikatsiyalashtirilgan organizmlarni qo‘llash taqiqlanadi. Bundan tashqari, tarkibida modifikatsiyalashtirilgan organizmlar bor bo‘lgan oziq-ovqat mahsulotlarini chetdan olib kelish va iste’mol qilishni cheklash ko‘zda tutilgan
5. Toshkentdagi qator ko‘chalar kapital ta’mirlanadi. Toshkentda ko‘chalarning sakkizta alohida qismlarining umumiy boshlang‘ich qiymati 7,562 milliard so‘mga teng kapital ta’miri uchun tanlov savdolarini e’lon qildi.
Izoh (0)