Futzal bo‘yicha Toshkentda o‘tkazilayotgan Osiyo chempionatining birinchi yarim final juftligi ma’lum bo‘ldi. Bu haqda “Championat.asia” xabar bermoqda.
O‘zbekiston futzal terma jamoasi Iroq ustidan 3:0 hisobida g‘alaba qozonib, yarim finalga yo‘l oldi. Xose Mariya Mendez shogirdlarining bu bosqichdagi raqibi Tailand bo‘ladi. Tailandliklar chorak final bosqichida Avstraliyani 6:1 hisobida mag‘lub etdi.
Osiyo chempionati yarim finali doirasidagi O‘zbekiston va Tailand o‘rtasidagi o‘yin 19-fevral, juma kuni, soat 16:00 da boshlanadi.
Izoh (0)