Eron sanksiyalar bekor bo‘lgandan keyin ilk marotaba Yevropaga neft yubordi

Eron unga nisbatan qo‘llanilgan sanksiyalar bekor bo‘lgandan keyin ilk marotaba Yevropaga neft ortilgan tanker yubordi. Bu haqda Bloomberg bergan ma’lumotlarga asosan “Yevropeyskaya Pravda” xabar qilmoqda.

Distya Akula nomli tanker Fors qo‘ltig‘idagi Xark orolida joylashgan yuk ortish terminalini tark etdi. Uning bortida bir million barrelgacha neft bo‘lishi mumkin.

Ma’lum qilinishicha, Yevropaga yetkazib beriladigan ilk uchta ta’minot Fransiya, Ispaniya va Rossiya bilan tuzilgan bitimlar doirasida amalga oshirilmoqda.

Eron sanksiyalar bekor bo‘lgandan keyin neftni ishlab chiqarishni va eksport qilishni bir kunda million barrelgacha yetkazmoqchi.