Futbol bo‘yicha O‘zbekiston Superkubogi o‘yinini Ravshan Ermatov boshqaradi

17-fevral kuni O‘zbekiston Superkubogi uchun o‘yin bo‘lib o‘tadi, deb xabar beradi “Stadion.uz”.

“Nasaf” hamda “Paxtakor” jamoalari o‘rtasidagi uchrashuvni Ravshan Ermatov boshchiligidagi hakamlar boshqarib boradi. Unga qanotlarda Abdulhamidullo Rasulov va Jahongir Saidovlar yordam beradi. To‘rtinchi hakam vazifasini Sherzod Qosimov bajaradi.

Ushbu o‘yin 17-fevral kuni, soat 15:00 da “Bunyodkor” stadionida boshlanadi.