Meksikadagi qamoqxonada sodir bo‘lgan g‘alayonda kamida 50 kishi halok bo‘ldi

Meksika shimolidagi qamoqxonada yuz bergan g‘alayonda o‘nlab kishilar halok bo‘ldi. Bu haqda Sky News nashriga tayanib, “Interfaks” xabar bermoqda.

Mahalliy telekanallardan birining ma’lumotlariga ko‘ra, kamida 50 kishi halok bo‘lgan: ularning orasida mahbuslar ham, turma nazoratchilari ham bor.

Monterrey shahri yaqinida joylashgan qamoqxonaga tez tibbiy yordam va maxsus topshiriqli qo‘shinlar mashinalari yuborildi.

G‘alayon vaqtida bir necha mahbus qochib ketgan bo‘lishi ehtimoli istisno qilinmayapti.