Amerikalik harbiylar Aleppo ustida hech qanday parvozlarni amalga oshirmadi, shahar bo‘ylab zarbalar ham bergani yo‘q. AQSh vakillari RF Mudofaa vazirligining bayonotiga shu tariqa javob berdi, deb xabar qiladi “TASS”.
“Rossiyalik rasmiy shaxslarning Aleppoga amerikaliklar zarba bergani haqidagi bayonoti yolg‘ondan iborat”, — dedi AQSh Davlat departamenti vakili. Diplomatning so‘zlariga ko‘ra, AQSh aviatsiyasi Aleppoda hech qanday operatsiyalar o‘tkazmagan.
IShIDga qarshi kurashuvchi AQSh boshchiligidagi koalitsiya vakili ham xuddi shunday bayonot bilan chiqdi.
Eslatib o‘tamiz, oldinroq Rossiya Mudofaa vazirligi rasmiy vakili Igor Konashenkov Turkiya hududidan Suriyaga kirib kelgan AQShning ikkita A-10 shturmchi samolyoti Aleppodagi to‘qqizta obyektga zarba berganini ma’lum qilgandi.
Izoh (0)