Xitoy—Qozog‘iston—Turkmaniston—Eron temir yo‘l yo‘nalishi bo‘yicha birinchi sinov konteyner poyezdi Turkmanistondan Eronga jo‘nab ketdi, deya xabar bermoqda “RIA Novosti” mahalliy OAVlarga tayanib.
Sinov reysi ushbu yangi temir yo‘l yo‘nalishi bo‘yicha doimiy tashuvlarni yo‘lga qo‘yish uchun amalga oshirilmoqda.
Turli tovarlar ortilgan poyezd yanvar oxirida Xitoy sharqidagi Chjeszyan provinsiyasining Iu shahridan chiqib, 9 kun ichida Qozog‘iston hududini bosib o‘tib, Turkmanistondagi Serxyatka temir yo‘l bekatiga yetib kelgan edi. U bir necha kun ichida so‘nggi manzil — Eron poytaxti Tehronga yetib borishi kutilmoqda.
Xitoy—Qozog‘iston—Turmaniston—Eron yo‘nalishining umumiy uzunligi qariyb 10 ming kilometrni tashkil etadi, yo‘lga ikki haftaga yaqin vaqt ketadi, bu dengiz yo‘liga nisbatan o‘rtacha ikki barobar tezroqdir.
Izoh (0)