Ispaniya Kubogining yarim final bosqichi javob o‘yini doirasida “Barselona” safarda “Valensiya” bilan durang o‘ynadi (1:1, birinchi o‘yin – 7:0). Bu haqda “Stadion.uz” xabar bermoqda.
Shu tariqa, kataloniyaliklar Luis Enrike qo‘li ostida mag‘lubiyatsiz o‘yinlar seriyasini 29 uchrashuvga yetkazdi. Jamoa Xosep Gvardiola paytida (2010/2011-yilgi mavsum) o‘rnatilgan 28 ta o‘yindan iborat rekordni yangilashga muvaffaq bo‘ldi.
“Barselona” so‘nggi marta 2015-yilning 3-oktabr kuni La Liga doirasida “Sevilya”ga qarshi safar bahsida mag‘lubiyat alamini tortgandi (1:2).
Izoh (0)