Ronaldu eng yaxshi kiyinadigan futbolchi uchun mukofot ta’sis etishni taklif qildi

Madridning “Real” klubi hujumchisi Krishtianu Ronaldu Ispaniyaning Marca gazetasiga qiziqarli taklif bildirdi, deb yozadi “Chempionat”. U eng yaxshi kiyinadigan futbolchi uchun mukofot ta’sis etishni taklif qildi.

“Menda Marca gazetasi uchun yaxshi tashabbus bor. Eng yaxshi kiyinadigan futbolchi uchun mukofot ta’sis etishni taklif qilaman. Bu haqda nima deb o‘ylaysiz?” — dedi Ronaldu 2014/15-yilgi mavsumda Ispaniya chempionatida eng ko‘p to‘p urgan o‘yinchi sifatida mukofotni qabul qilib olish marosimida.

2014/15-yilgi mavsum yakunlariga ko‘ra, Ronaldu Ispaniya chempionatida 48 ta gol urdi. Ikkinchi o‘rinni “Barselona” forvardi Lionel Messi egalladi, uning hisobida 43 ta gol bor.