“Barselona”ning argentinalik hujumchisi Lionel Messi buyragini operatsiya qildirdi va shifoxonani tark etdi. Bu haqda Ispaniyaning Sport nashriga tayanib, “TASS” xabar bermoqda.
Xabarda aytilishicha, bir soatga yaqin cho‘zilgan operatsiya bugun, 9-fevral kuni tongda amalga oshirilgan. Messi shifoxonaga turmush o‘rtog‘i va “Barselona” doktorlari hamrohligida kelgan.
Hujumchi 10-fevraldayoq mashg‘ulotlarga qaytishi va Ispaniya chempionati doirasidagi “Selta”ga qarshi 14-fevralda o‘tkaziladigan o‘yinda maydonga tushishi kutilmoqda.
Ispaniya birinchiligining joriy mavsumida Messi 17 o‘yinda 12 ta gol kiritishga erishdi.
Izoh (0)