Samsung Electronics kompaniyasi O‘zbekistonda Samsung Galaxy A smartfonlarining yangilangan lineykasini sota boshladi, deb yozadi “Mobinfo.uz”. Lineykaga Galaxy A3, A5 va A7 modellari kiradi.
2015-yil oxirida taqdim etilgan ushbu qurilmalar lineykasi shisha va metall korpus, ergonomik dizayn, universal slot (SIM+SIM / SIM+microSD), katta sig‘imli akkumulyator, tezkor zaryad olish funksiyasi, mukammallashtirilgan kamera, yaxshilangan protsessor va 4G/LTE texnologiyasi bilan ajralib turadi.
Lineykadagi o‘rta model — Samsung Galaxy A5 barmoq izi skaneriga ega, uning yordamida qurilmani blokdan chiqarish, saytlarda parol kiritish, ijtimoiy tarmoqlardagi akkauntlarga kirish mumkin.
Smartfon 5,2 dyuymli va 1920×1080 pikselli Super AMOLED displey, sakkiz yadroli Samsung Exynos 7580 protsessori, 2Gb tezkor va 16 Gb ichki xotira, 2900 mA/soat sig‘imli akkumulyator, 13 megapikselli va 5 megapikselli old kamera bilan jihozlangan.
Qurilma TouchWiz firma qobig‘iga ega Android 5.1 operatsion tizimida ishlaydi.
Toshkentdagi “Fleshka” savdo majmuasida Samsung Galaxy A5 (2016) smartfonini 2,2 million so‘mga sotib olish mumkin.
Eslatib o‘tamiz, avvalroq yangilangan lineykadagi Samsung Galaxy A3 (2016) smartfonini 1,7 million so‘mga xarid qilish mumkinligi haqida xabar berilgan edi.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)