Yaponiya hukumati mudofaa kuchlariga Shimoliy Koreyaning ballistik raketasi uchirilgan taqdirda uni urib tushirishga buyruq berdi. Bu haqda hukumatdagi manbalarga tayanib, Kyodo ma’lum qildi, deya xabar beradi “RIA Novosti”.
Yaponiya tashqi ishlar vaziri Fumio Kisida hukumat mamlakat fuqarolarini himoya qilish uchun barcha choralarni ko‘rishini bildirgan. Hukumat bosh kotibi Yosixide Suga esa KXDR ballistik raketasining uchirilishi kutilmaganda va ogohlantirishsiz amalga oshirilishi mumkinligini ta’kidlagan.
Eslatib o‘tamiz, oldinroq sun’iy yo‘ldosh yordamida olingan suratlar tahlilidan kelib chiqib, Shimoliy Koreya hafta davomida uzoq masofaga mo‘ljallangan ballistik raketa uchirilishini rejalashtirayotgani haqida xabar berilgandi.
Izoh (0)