Fikr.uz saytida so‘z mulkining sultoni, ulug‘ shoir va mutafakkir, davlat va jamoat arbobi Alisher Navoiy tavalludining 575 yilligi munosabati bilan “So‘z mulkining sultoni” mavzusida viktorina tashkil etilmoqda. Bu haqda Uzinfocom markazi matbuot xizmati xabar berdi.
U shoirning boy adabiy merosini o‘rganish va targ‘ib etishni keng yo‘lga qo‘yish, o‘quvchi yoshlar qalbi va ongiga Navoiy asarlarining mazmun-mohiyatini, badiiy xususiyatini va tarbiyaviy ahamiyatini chuqur singdirish maqsadida o‘tkaziladi.
Viktorinada Alisher Navoiy hayoti va ijodiga hamda asarlariga oid savollar beriladi va unda o‘quvchi yoshlar (foydalanuvchilar) Fikr.uz saytining tegishli blogida yozma javob berish(iqtibos qoldirish) orqali qatnashadi.
G‘oliblarni baholash mexanizmi:
Viktorinada 1-, 2- va 3-o‘rin g‘oliblari savollarga vaqt mezoni bo‘yicha to‘liq to‘g‘ri javob qoldirilgan izohlar asosida aniqlanadi.
Agarda barcha savollarga to‘g‘ri javob bergan muxlislar soni bir qancha bo‘lsa, unda eng birinchi bo‘lib javoblarni yo‘llagan muxlis g‘olib deb topiladi. G‘olib muxlis Uzinfocom markazining sovg‘alari bilan taqdirlanadi va u haqdagi maqola saytda suratlari bilan yoritiladi.
Viktorinada maktab, kasb-hunar kolleji va litsey o‘quvchilari ishtirok etishlari mumkin.
Viktorina 2016-yilning 25-yanvaridan 8-fevralgacha davom etadi.
G‘oliblar 2016-yil 10-fevral kuni Fikr.uz saytida e’lon qilinadi.
Izoh (0)