Rossiyaning 37 mintaqasida gripp bilan kasallanishning epidemiya bo‘sag‘asi oshib o‘tilgani ma’lum qilindi
Rossiyaning 37 mintaqasida gripp bilan kasallanishning epidemiya bo‘sag‘asi oshib o‘tilgan. Bu haqda Rossiya iste’molchilar huquqini himoya qilish va inson farovonligi sohasida nazorat federal xizmati (Rospotrebnadzor) rahbari Anna Popova ma’lum qildi, deya xabar beradi “Gazeta.ru”.
“Epidemiya bo‘sag‘asidan oshib o‘tilgan mintaqalar soni ko‘paygani qayd etilmoqda. Bugungi kunga kelib ularning soni 37 taga yetdi, 38 mintaqada esa bu bo‘sag‘a maktab yoshidagi bolalar uchun hatlab o‘tilgan. Mazkur hududlarda virusga qarshi kurash choralari kuchaytirilgan”, — deya ta’kidlagan A.Popova.
Eslatib o‘tamiz, oldinroq yil boshidan beri Rossiyada gripp tufayli 27 kishi hayotdan ko‘z yumgani, mamlakatda asosan cho‘chqa grippi virusi kuzatilayotgani ma’lum qilingandi.
