Kriobiologlar 30 yil oldin anabioz (organizm hayotiy faoliyatining vaqtincha sekinlashib yoki to‘xtab, zarur sharoit tug‘ilishi bilan yana tiklanishi) holatiga tushirilgan ikki astayurarni tiriltirdi. Tadqiqot natijalari Cryobiology jurnalida chop qilindi, deb xabar beradi “Korrespondent.net”.
Yaponiyaning Milliy instituti olimlari 1983-yildan beri Selsiy bo‘yicha 20 daraja sovuqda muzlatib qo‘yilgan astayurarlarni jonlantirdi.
Jonivorlardan biri 20 kundan keyin nobud bo‘ldi, ikkinchisi esa 23 kundan so‘ng tuxum qo‘yishga muvaffaq bo‘ldi.
Olimlar jonivorning organizm funksiyalari va irsiy tizimi tiklanishi uchun vaqt kerak, deb hisoblamoqda. Biologlar ushbu jonivor ustidagi tadqiqotlarni davom ettirmoqchi.
Astayurarlarning kattaligi 0,1—1,5 mm keladi. Ularni ba’zida “suv ayig‘i” deb atashadi.
Izoh (0)