OAV: Indoneziyadagi bosqinchilar kishilarni garovga olgan bo‘lishi mumkin
Jakartada 14-yanvar, payshanba kuni yuz bergan oltita portlash shaharning markaziy hududida, bir-biridan taxminan 50 metr masofada sodir bo‘lgan. Al Jazeera telekanalining ma’lum qilishicha, hozirda Indoneziya poytaxtida otishma davom etmoqda, deb xabar beradi “Yevropeyskaya pravda”.
“10—15 nafarga yaqin jangari mototsiklda shahar markaziga yetib kelib, qo‘llaridagi miltiqlardan ommaga qarata o‘q uzgan. Ulardan ba’zilari portlovchi moddalarni tashigan”, — deyiladi telekanal xabarida.
Bir qancha jangarilar hujum sodir etilgan hudud yaqinidagi kinoteatrda yashiringanligi taxmin qilinmoqda. Binoda ko‘p odam bo‘lishi mumkin.
Oldinroq portlashlar natijasida 7 kishining halok bo‘lgani xabar qilingandi. Huquqni muhofaza qilish organlari hujum oqibatida yaralanganlar soni haqida ma’lumotga ega emas.
Politsiyaning ta’kidlashicha, hujum uchun javobgarlikni hech bir guruh zimmasiga olmagan. Biroq portlashlar arafasida IShID Jakarta politsiyasiga tahdid qilganligi ma’lum qilingan edi.
