Yaponiya hukumati mamlakat fizika-kimyo tadqiqotlari instituti (RIKEN) Mendeyelev davriy jadvalining 113-elementini kashf etgani rasman tan olinganini e’lon qildi. Bu haqda “Korrespondent.net” xabar bermoqda.
Mazkur element muallifligiga Rossiya va AQSh mutaxassislari ham da’vogarlik qilgan, biroq nazariy va amaliy kimyo hamda fizika xalqaro uyushmalari birlashgan komissiyasi yapon olimlari tomonidan bajarilgan yangi element sintezi ishonchliligi yuqori ekanligi to‘g‘risidagi xulosaga keldi.
Sintezga professor Koske Morita boshchiligidagi fiziklar guruhi tomonidan 2004, 2005 va 2012-yillardagi tajribalar davomida qo‘l urilgan. 113-elementga hozircha nom berilgani yo‘q, lekin uning “yaponiy” deb atalishi ehtimoli katta.
Izoh (0)