KXDR poytaxtining yuz minglab aholisi 1-yanvar, juma kuni kechqurun Kim Ir Sen nomidagi markaziy maydonga yig‘ildi, u yerda ular uchun Yangi yilga bag‘ishlangan mushakbozlik uyushtirildi, deb yozadi “TASS”.
Koreyaliklar mushaklarni Kim Ir Sen, Kim Chen Ir va Kim Chen Inning xizmatlarini ulug‘lovchi shiorlarni baralla aytgan holda zavq bilan tomosha qildi. Pxenyanda kooperativlarga tegishli chodirlar ochilgan bo‘lib, u yerda shirin paxta, meva, muzqaymoq va limonad sotib olish mumkin.
Pxenyan markaziy turar-joy mavzelari neonli reklamalarga burkangan. Shaharni bayram illyuminatsiyasi, Yangi yil tabriklari tushirilgan yorqin plakatlar bezab turibdi. KXDRda bayramga bag‘ishlangan suvenir markalari chiqarildi.
Izoh (0)