Yangi yil bayrami arafasida yetkazib berish xizmatlaridan keladigan xatlar ko‘payadi, bu ko‘plab foydalanuvchilar sovg‘alarni internet orqali buyurtma qilishi bilan bog‘liq, deb yozadi “Hi-tech.mail.ru”.
“Kasperskiy Laboratoriyasi” mutaxassislari ta’kidlashicha, yovuz niyatlilar ushbu ajiotajdan foydalanib, xaridorlar shaxsiy ma’lumotlarini qo‘lga kiritadi.
Firibgarlar foydalanuvchilarni fishing saytida maxfiy axborotni kiritish yoki zararkunanda dasturiy ta’minotni yuklab olishga ishontirmoqchi bo‘ladi. Ular ko‘pincha, go‘yoki, yetkazib berish xizmati quti ustidagi manzilni o‘qiy olmayotganini aytib, cheklangan vaqt ichida ma’lumotni qaytadan kiritishni so‘raydi.
Eng ko‘p FedEx va DHL saytlarini qalbakilashtirishadi. Fishing manbalarini haqiqiylaridan sayt manziliga va sayt dizaynidagi ba’zi xususiyatlarga qarab farqlash mumkin.
Ekspertlar ogohlantirishicha, elektron pochtadagi linkni ochish kerak emas. Yaxshisi, kerakli sayt manzilini qo‘lda terish va agar sahifada nimadir shubhali bo‘lib ko‘rinsa, texnik ko‘mak markazi bilan bog‘lanib, ushbu muammoni hal etish zarur.
Izoh (0)