17-dekabr kuni Braziliya internet-provayderlari WhatsApp messenjerini vaqtincha bloklab qo‘ygani Telegram foydasiga ishladi: o‘shandan beri servisda kamida 4,5 million yangi foydalanuvchi ro‘yxatdan o‘tdi, deb yozadi TJournal. WhatsApp blokirovkasi 12 soatdan so‘ng bekor qilindi.
WhatsApp Braziliyada bloklab qo‘yilishi politsiya tekshiruvi bilan bog‘liq, unga ko‘ra, messenjer foydalanuvchiga tegishli ma’lumotlarni taqdim etishi kerak edi, biroq kompaniya hukumat talablariga bo‘ysunmadi. Messenjerning bloklanishi javob chorasi bo‘ldi.
WhatsApp 48 soatga yopib qo‘yilishi muqarrar bo‘lganidan so‘ng braziliyalik foydalanuvchilar ommaviy tarzda Pavel Durovning Telegram messenjerida ro‘yxatdan o‘ta boshladi.
Izoh (0)