NASA Oyning 2016-yil davomida Yerdan turib kuzatiladigan libratsiyalari (tebranishlari) va fazalari aks etgan kompyuter dasturi va tegishli videoni taqdim etdi. Bu haqda “Segodnya.ua” xabar bermoqda.
Videoda Oyning Yer atrofidagi elliptik orbita bo‘ylab harakati vaqtida yuz beradigan libratsiyalari qayd etilgan. Bu holat Yer aholisiga Oy sathining faqat 60 foizini ko‘rish imkonini beradi.
https://www.youtube.com/watch?v=Y3xokCzDwLI
Tabiiy yo‘ldoshning Yer atrofidagi har bir soatlik aylanishi videoning bir kadriga mos keladi. Tasvirning yuqori darajada aniqligi sabab, videoda kraterlar va joyi o‘zgarayotgan terminator (nur va soyaning ajralish chizig‘i)ni ko‘rish mumkin.
Kompyuter dasturi Yerning janubiy yarimsharida turgan odamga nisbatan Oyning 2016-yildagi istalgan oy, kun va soatdagi holatini ko‘rish imkonini beradi. Buning uchun dasturdagi tegishli maydonga kerakli ma’lumotlarni kiritish kifoya.
Innovatsion dasturiy ta’minoti sharofati bilan, real vaqt rejimida Oyning ko‘rinadigan diametrini va undan Yergacha bo‘lgan masofani kuzatish, olingan tasvirni esa bevosita saytdan yuqori o‘lchamda yuklab olish mumkin.
NASA ushbu dasturni 2009-yildan beri orbitada bo‘lgan LRO Oy sun’iy yo‘ldoshi yordamida olingan ma’lumotlar asosida ishlab chiqqan. Mazkur qurilma lazerli balandlik o‘lchagich va kamera bilan ta’minlangan bo‘lib, ular yordamida Oygacha bo‘lgan masofani aniqlash va Yer tabiiy yo‘ldoshi sathining yuqori aniqlikdagi suratlarini olish mumkin.
Izoh (0)