Abdulla Qurbonov: Jazoni o‘tash muassasasida o‘tgan 3 yil davomida o‘zimdan o‘tgani faqat o‘zimga ayon
Xonanda Abdulla Qurbonov so‘nggi uch yil davomida ko‘rinmay qolgani sabablari, shuningdek, 2016-yilgi rejalari bilan o‘rtoqlashdi. Bu haqda u “Darakchi” gazetasiga bergan intervyusida aytib o‘tdi.
“Jazoni o‘tash muassasasida o‘tgan uch yil davomida o‘zimdan o‘tgani faqat o‘zimga ayon. Bunday paytda onamning duosi va rafiqamning qo‘llab-quvvatlashi menga kuch bag‘ishladi”, — dedi xonanda.
“Mart oyida hayotimdagi shu ikki ayolning irodasi va menga bo‘lgan ishonchiga atab, “G‘iybatlarga ishonmang, biz yoningizdamiz, ayollar” nomli yakkaxon konsert dasturini taqdim etishni niyat qilganman”, — deya qo‘shimcha qildi Abdulla Qurbonov.
Avvalroq Abdulla Qurbonov militsiya xodimlarini “noo‘rin gap-so‘zlar bilan xafa qilganidan” afsusda ekanligini ma’lum qilib, unga imkoniyat bergani uchun “O‘zbeknavo” estrada birlashmasiga minnatdorchilik bildirgandi.
