BMT Xavfsizlik Kengashining Ukrainadagi vaziyat ko‘rib chiqilishi kutilayotgan majlisi 11-dekabr kuni Kiyev vaqti bo‘yicha 17:00 da (Toshkent vaqti bilan 20:00) bo‘lib o‘tadi, deb xabar beradi “Segodnya.ua”.
Bu haqda Ukrainaning Nyu-Yorkda joylashgan BMT qoshidagi doimiy vakilligi xabarida ma’lum qilingan.
“BMT Xavfsizlik Kengashining Ukraina masalasidagi yig‘ilishi 11-dekabr, juma kuni 10:00 da (Nyu-York vaqti bo‘yicha) bo‘lib o‘tadi”, — deyiladi xabarda.
BMT Xavfsizlik Kengashining 11-dekabrdagi yig‘ilishida Ukraina tashqi ishlar vaziri Pavel Klimkin ishtirok etishi ma’lum qilindi.
Izoh (0)